608/2025-2026

Khawzawl, dated 28th May 2025: Nimin khan DC Chamber-ah Khawzawl Bawrhsap Pu K. Vanlalthiana hovin Vikshi Krishit Sankalp Abhiyan (VKSA) kalpui dan tur sawi ho a ni.

VKSA hi Ministry of Agriculture & Farmers' Welfare leh Indian Council of Agricultural Research (ICAR) tangkawp hmalakna a ni a, sawrkar hotute'n loneitute leh kuthnathawk hrang hrang tlawh kualin an hmanrua leh inzirtirna an mamawh hrang hrang an pe chhuak dawn a ni. He scheme hi DC kaihhruaina hnuaiah a kal ang a, team 3 a then niin heng team-ah hian KVK bakah Agriculture, Horticulture, Animal Husbandry & Veterinary Sciences, ICAR leh FPO hrang hrang an tel hlawm dawn a ni. Team te hian ni 12 chhungin khaw hrang hrang an tlawh chhuak ang a, soil health campaign te, soil & water conservation te, natural farming te leh thiamna thar hrang hrang inzirtirna hun hman a ni ang.

VKSA hi Khawzawl district tan Union Minister of State Pi Savitri Thakur chuan May ni 29 hian Zaingen YMA Hall-ah hawnna hmun hmang tura beisei a ni.