2481/2025-2026

Khawzawl, dated 1st December 2025: Vawiin khan District AIDS Prevention & Control Committee bultumin Zaingen YMA Hall-ah World AIDS Day hman a ni a, a thupui chu "Overcoming Disruption, Transforming the AIDS Response" tih a ni.

He hunah hian Khawzawl Bawrhsap Pu K. Vanlalthiana'n thu a sawi a, Khawzawl mipuite AIDS chungchang hre chianga inveng thiam turin a chah a, chutih rual chuan in test hreh lo tur leh damdawi in pan hreh lo turin a fuih bawk.

He hunah hian District Education Officer Pu Lalrawngbawla chu chairman a ni a, Chief Medical Officer Dr. Shahnaz Zothanzami chuan AIDS chungchang, kai dan, enkawl dan leh inven dan tur te a sawi. ICTC Counsellor Pi Lalsangpuii Vuite chuan lawmthu sawinain hun a khar a ni.