2482/2025-2026

Dated:Mamit the 1st of December, 2025 : World AIDS Day, 2025 pualin 29th November, 2025 (Inrinni) khan Mamit Bazar vengah hun hman a ni.

He hunah hian Pu Donald Lalruatfela, Lab technician, MSACS, Mamit chuan kalkhawmte lawmna thu sawiin World AIDS Day lo chhuah dan leh HIV darh zel tur vengtu ni turin kalkhawmte a sawm a, Pu K Lalhmingsanga DIS Mamit/Kolasib hnen tanga report ngaihthlak niin India rampumah Mizoram hi thisen test atanga tehin HIV kai tam ber 1-na kan ni a, mi 100 zelah 2.73 kai ang kan ni a ti a. Mamit District-ah hian ICTC -3 leh mobile ICTC -1 a awm a, TI pathum 3 (inchiu, hmeichhe awm tha duh lo leh mipat pui kawp thin te enkawlna) bakah LWS leh Migrant Project te a awm a ni.

Report atang a lan danin April 25 - October 25 HIV chhunga Mamit District dinhmun hetiang hi a ni.Thisen test Mipa -1513, Hmeichhia - 975 an vaiin-2488 ah Positive Mipa-17 leh Hmeichhia -7 hmuhchhuah an ni a, hetah hian Mipat hmeichhiatna atanga kai mi 13, Inchiuna thianghlimlo atanga inkaichhawn - 4 an ni. Nu naupai thisen test 483 awmin Positive mi 11 hmuhchhuah an ni bawk.

Dr Lalrintluangi, Medical Officer, ART hnen atangin HIV kaina hrang hrang leh a inven dan bakah a enkawlna dawn hma pawimawh ziate ngaihthlak a ni a, kalkhawmte atangin a duh apiangte tan thisen test-na hun buatsaih a ni bawk.