No.7874/2020-2021

Dated Khawzawl, the 22nd March, 2021: Vawin khan Khawzawl District Water and Sanitation Committee leh KVK bultumin Khawzawl Zaingen YMA Hall-ah hun hman a ni a. He hunah hian Khawzawl Bawrhsap Pu Zothanmawia, Chairman DWSC nibawk chu khuallian a ni.

Pu Zothanmawia chuan tui pawimawhna leh ?angkainate sawiin,  tui tello a kan khawsak theih tawhloh dante a tarlang a. Mipuite tui hna humhalha venghim tlat tur leh renchem taka hmang turin a chah a ni.

Pu Lalzakhama, EE & Member Secretary, DWSC chuan inkhawm a kaihruai a. Pu Lalnunfela, SDO, PHE-in technical report a pe bawk a. Khawzawl District huam chhunga tui thianghlim leh hnianghnar mitinin kan dawn theih nana sorkar hmalakna leh hmachhawp hrang hrangte a sawifiah a. Jal Jeevan Mission hnuaia hna thawh tawh leh kum 2024 hma ngeia thingtlang miten tui thianghlim leh hnianghnar an dawn vek theihnan hma lak a nih thu a sawi bawk.

Pu K.Lalnunsanga, President. Sub-Hqrs. YMA in thusawina hun a nei bawk a. Tuihna humhalhna leh lui dung humhalhna kawnga YMA hmalakna hrang hrangte a tarlang bawk a ni.