No.4679/2020-2021
Dated Serchhip, the 2nd September, 2020: India sawrkarin grassroot level atanga Sports lama hmasawnna tur hmalakna a neih kal zelah, tun kum 4 chhung hian Khelo India Centre 1000 vel din thar tum a ni a. Tun sawrkar kum kal mekah hian State thlan bikah Centres hi 100 din hman a tum a. State thlan zingah hian Mizoram pawh kan tel a ni.
Khelo India Centre hi District level a din tur niin chu Centre ah te chuan an discipline a lo champion tawh (Champion athletes) te chu Coach anga ruaia, naupangte training mumal tak pek tir tur a ni a. Chutianga theihna nei sulhnu lo nei tawh (discipline thlana champion lo ni tawh) emaw Pawl (Association), sports tihhmasawnna lama kum 5 tal sulhnu (experience) lo nei tawh ten he Khelo India Centre din hi an dil (proposal thehlut) thei a. Organisation te hian phalna an hmuh chuan Champion Athletes te chu Coach ah an rawih a ngai ang. Phalna pek mimal/pawl te chu sawrkarin tanpuina; Coach hlawh te, support staff hlawh te, equipments leina te, Sports Kit leina te, leh competition an tel theihna tur leh an mamawh dangte a pe dawn a ni.
Khelo India Centre hi kum 2024 a Olympic lo thleng tur tinzawn chunga din tur a nih avangin Sports Discipline thlan bik 14 a nei a, chungte chu; Archery, Athletics, Boxing, Badminton, Cycling, Fencing, Hockey, Judo, Rwoing, Shooting, Swimming, Table Tennis, Weightlifting leh Wrestling te an ni a. Football leh traditional Sports thenkhat chu tuna kalpui tawh sa an ni.
Khelo India Centre din dilna hi heng state thlan chhuah chhunga District tin te chu Proposal pahnih emaw pathum tal nei thei tura beisei kan ni.
Serchhip District chhunga Sports Associations emaw mimal he KIC proposal dil thei emaw ngaihven duhte chuan District Sport & Youth Officer, Pi Lalzikpuii, Settlement Officer ni bawk office, DC Office Complex ah, September ni 9 ral hmain ngaihven tur a ni e.
