Khelo India Competition 2016-17 for Lawngtlai District chu vawiin khan zawh fel a ni a. District Sports Centre, Electric Veng, Lawngtlaiah a kharna hun hman a ni.

He hun hi District level Committee Co-Chairman Pu C.Hrangthianga chuan a kaihruai a. Secretary Pu C.Lalhmangaihkima hnen atangin report tlangpui ngaihthlak niin, lawmman sem zui nghal a ni.

Khelo India Lawngtlai District intihsiaknaah hian discipline paruk - athletics, badminton, boxing, football, table tennis leh taekwondo-ah te naupang kum 17 hnuai lam tan inelna buatsaih a ni a. Category hrang hranga pakhatna theuh hian December ni 15 & 16 hian Aizawlah state level competition an hmachhawn leh ang.