3844/2023-2024

Aizawl, 15th February, 2024 : Vawiin khan Directorate Of Sports & Youth Services Conference Hall, MINECO ah Executive Committee (Mizoram) for Khelo India University Games 2023 hnuaia mawhphurhna hrang hrang changtu "Functional Area Sub - Head" te an thukhawm a. He hun hi Pu Lalnunhlua, Director, Sports & Youth Services, Executive Committee (Mizoram) for Khelo India University Games 2023 a Member Secretary ni bawk chuan kaihruaiin, Pu Lalramsanga Sailo, Secretary, Sports and Youth Services Department leh Vice Chairman, Executive Committee (Mizoram) for Khelo India University Games 2023 ni bawk chuan a tel pui a ni.

He meeting ah hian Mizoram in Khelo India University Games 2023 Men’s Football a thlenna tura mawhphurhna (Functional Area) changtu Department hrang hrang Officer (Sub-Head) kal khawm ten an hmalak tawhna te leh an hmabak te report an pe a. Sports Authority of India atanga rawn kal Assistant Director in Functional Area Sub-Head te hi an hmalakna tur te briefing pe in, zawhna hrang hrang an neih te a chhan sak bawk ani.

Khelo India University Games hi India rama University level inelna sang ber ani a, tun tum hi a vawi 4 na niin North East India a state 7 in an in thlen tawm a. Assam hi a main host niin, sports discipline hrang hrang 15 a thleng dawn a, state dang zawngin sports discipline 1 theuh an thleng dawn a ni. Manipur erawh an ram buai avangin an thleng ve dawn lo thung.

Khelo India University Games 2023 ah hian Mizoram chuan Men’s Football a thleng dawn a, February ni 19, 2024 ah tanin February ni 27, 2024 ah Final khelh a ni ang. He inelna ah hian India ram chhung hmun hrang hrang atangin University Football Team 8 an tel dawn ani.  

Hemi atan hian Mizoram sorkar chuan Executive Committee (Mizoram) for Khelo India University Games chu dinin, Sports and Youth Services Minister Pu Lalnghinglova Hmar chu Chairman a ni a. Member ah hian department hrang hrang SYS, AMC, H&FW, PHE, P&E, UD&PA, I&PR, Doordarshan, AIR, Tourism, Protocol, Higher &Technical Education, Mizoram State Sports Council, SP Aizawl leh SP Traffic te an tel a ni.