3845/2023-2024

Dated Siaha 15th February 2024 : Vawiin chawhma dar 11:30 khan Pi. Lalnunmawii, Addl. Deputy Commissioner kaihruaiin Siaha District Sponsorship & Foster Care Approval Committee (SFCAC) chuan DC’s Mini Conference Room- ah thutkhawmna an nei.

Pi. Lalnunmawii, Addl. Deputy Commissioner chuan Siaha District chhunga naupang tanpui ngai zualte tan a Sponsorship pek chu thil pawimawh leh tul tak a ni, a ti a. Tanpui ngaite tanpui an nih theihna turin member-ten theihtawp chhuah a tul hle tiin, hmalak sak tura din a nih ang takin a dawng tur thlan kawngah pawh fimkhur a tul a, a mamawh dik tak chauh thlang chhuak turin dik leh lai taka hmalak zel a tul a ni, a ti.

Pi. Laltlanmawii, DCPO leh Member Secretary, SFCAC nibawk chuan Mission Vatsalya kaltlangin kum 2023-2024 financial year atan Siaha District chhung ah naupang 130 tan Sponsorship & Foster Care hnuaia tanpuina tur sum an dawn thu a tarlang a. Heng naupang thlanchhuahte hi Child Welfare Committee, Siaha in a hriatpuite an ni a ti bawk . Naupang thlanchhuahte lists chu Committee hmaah Member Secretary- hian a pharh a, ngun taka sawiho leh enfiah a nih hnuin Committee chuan a pawmpuina nghal a ni.

Sponsorship & Foster Care Approval Committee, Siaha District hruaitute chu a hnuaia tarlan ang hi a ni.