2050/2025-2026

25th October, 2025 : Vawiin khan Bawngkawn South YMA Hall-ah Zomi Cultural Society Gen Hqrs. Mizoram leh Zomi Cultural Society Aizawl Joint Committee tangkawp buatsaihin “KHUADO PAWI 2025” neih a ni a. Agriculture Minister Pu PC Vanlalruata’n khuallian niin a hmanpui.

He hunah hian khuallian Pu PC Vanlalruata chuan thu sawiin Khuado Kut hmangtu zawng zawngte duhsakna chibai a buk a. Mizoram hi zofate Jerusalem a nih avangin chhim, chhak, hmar leh thlang atangin kan kalkhawm a, kan chengho bawk a, Mizoram tan thil tha ti a, malsawmna ni turin I tangho ang u tiin kalkhawmte a sawm a ni. Mizoram sawrkar chuan zofate hmasawnna tur ngaihtuahin theihtawp a chhuah a, kan zavaia kan thlawp a pawimawh a ni a ti bawk.

Minister chuan zofate Jerusalemah zofate Kan chengho a, tawng chi hrang hrang kan hmanga, heng kan tawng hrang hrang te, culture, kut te hi tha takin humhalh zel ila, kan tawngb hrang hrangte hi inhriat sakin inhhumhalh sak tawn zel ang u a ti a a ni.

Pu T Thang functional President, ZCS General Headquarters pawhin thu sawina hun hmangin Mizoram a NGO hmalakna a bik takin YMA programe leh hnatlanna ah neitu chan chang tura kut hmangtute chahin tlangnel takin programme awmah te telin theihtawp chhuahpui thin turin a fuih a. Ruihlo leh khawtlang duh loh thilte lalut tu ni lova, a dotu ni turin a chah bawk a ni.

Kut lawmnaah hian an member zinga hlawhtlinna chang thar mi 14 hnenah chawimawina thuziak an pe a, pensioner pakhat leh Professor ni thar mi pakhat an chawimawi bawk a ni.

Kut lawmnaah hian hnam lam chi hrang hrang entir niin zaithiamte an zai bawk a ni.