Vawiin chawhma dar 11 khan Parliamentary Secretary Pu Lal Thanzara chuan Khuangchera Group YMA Conference, Khawrihnim-ah a hmanpui.

Pu Lal Thanzara chuan ram leh hnam humhalh tur chuan zuk leh hmuam, hmeichhiat mipat kawngah insum a tul a, hriselna vawn that leh kawng engkima insumtheih hi ram leh hnam humhalhna tha ber a ni, a ti. Parliamentary Secretary chuan hausak thut duhna avangin Mizote zingah rinawmna a tlahniam ta hle a ni tiin Josepha rinawmna tawmpuia vawngnung tlat turin a fuih a. Ram dang mi leh hnam dang te hmusit mai lovin an chungah rinawmna lan tir zawk turin leh chu chuan malsawmna a thlen ngei tur thu a sawi. Sorkar flagship Programme NLUP pawh sawilangin dik taka kalpui a nih theih nan leh a dawng tute pawhin dik taka an hman ngei na turin YMA te venpui turin Parliamentary Secretary chuan a sawm a ni.

Pu Lal Thanzara hian Khuangchera Group tan Computer Set a pe a, Group Conference thlengtu Khawrihnim tan cheng 10,000 a pe bawk.