Vawiin chawhma khan Commerce and Industries Department buatsaihin Community Hall, Khuangleng-ah NLUP 3rdPhase(Final Instalment),4th Phase (Second Instalment) leh NLUP-NEDP Convergence ( First Instalment) East Tuipui Cluster huamchhunga beneficiary-te hnenah tanpuina sem a ni.
NLUP semna inkhawm hi Pu R.Laltanzuala, Functional Manager, District Industries Centre (DIC) Champhaiin kaihruaiin NLUP tanpuina dawngtute chu harsatna leh zawhna an neihte Commerce and Industries Department-ah thlen zel turin a chah a. Sawrkarin a tihtur a ti a, beneficiary tin te pawhin an tihtur hlenchhuah chu an mawhphurhna a ni, a ti a. Village Level NLUP Committee (VLNC) te hmalakna leh tawiawmna chu fakawm a tih thu a sawi bawk a ni. Pu Lalremthanga, Skill Worker-in report tlangpui pein kalkhawmte hriattur tulte a sawi a. Pi Lalthangveli DIC Staff-in lawmthu sawiin hun a khar a ni.
Vawiina NLUP tanpuina sem chhuah takah hian 3rd Phase Final Instalment hnuaia Trade hrang hrang 10 dawngtu Beneficiary mi 40 te hnenah cheng nuai sawm pahnih singhnih sangli zariat leh sawm (Rs 12,24,810/-) sem a ni a. Fourth Phase Second Instalment hnuaia Trade hrang hrang 11 dawngtu Beneficiary mi 27 te hnenah cheng nuai sawm pahnih singkua sangruk leh zaruk ( Rs 12,96,600/-) sem niin NLUP-NEDP Convergence hnuaia Trade hrang hrang 2 dawngtu Beneficiary mi 4 te hnenah cheng nuai hnih ( Rs 2,00,000/-) sem chhuah a ni bawk. Vawiina NLUP leh NLUP-NEDP Convergence hnuaia tanpuina dawngtu Beneficiary mi 91 hnena sem chhuah hi avaiin cheng nuai sawmthum pahnih sing sarih sangkua zali leh sawm (Rs 32,79,410/-) a ni a. NLUP-NEDP Convergence hnuaia tanpuina hi pawisa faia sem niin NLUP hnuaia tanpuina sum hi Direct Benefit Transfer hmangin Beneficiary-te Bank Account theuhah thun a ni. Vawiin vek hian 4th Phase Third Instalment hnuaia beneficiary-te chu an hming ziah luha sign fel tir nghal a ni bawk a. VLNC ten an hnathawh leh hmalaknate lo vilin dawng tlaka an hriatte chu Commerce and Industries lama hotute hnenah hriattirin chumi mil chuan tanpuina sum pek chhunzawm chauh tur an ni ang.
