Nimin khan Art & Culture Department leh Khuangleng Branch YMA tangkawp-ten an buatsaih nikhat awh Cultural Meet chu Khuangleng Playground-ah hlawhtling taka neih a ni.

He Cultural Meet hi Champhai District chhung, khawchhak tlangdung tana buatsaih anih angin, Tuipuiral khaw hrang hrang atanga lo kalten Mizo hnamlam chi hrang hrang pholanna an neih bakah mimal zaithiam leh rimawi tum thiamten nilengin hun an hmang a ni.

He Cultural Meet hmanpuitu Art & Culture Director Pu Ngurbiaka'n Khuangleng kum 125 tlin lawmna Souvenier chu tlangzarhin, Khuangleng a Cultural Meet neih chu thil inhmeh tak anih thu leh Pathianin min pek kan hnam ziarangte ngaihlu a, vawng nun reng anih theih nan mitin ten mawh kan phurin, hnam ziarang kan neihte vawnghim turin nasa leh zual a tan kan lak atul a ni, a ti.

He Meet a chanvo nei te hi Art & Culture Department in lawmman tha tak a pek bakah an kal man a tumsak a, Meet buatsaihna atan hian Rs 1,30,000.00 senral a ni.