Vawiin chawhma dar 11 khan Khuangleng Community Hall ah Agriculture Department hnuai WRC-I, WRC-II leh Fu chin thlangtu chhungkaw 139 te hnenah 3rd leh 4th Phase NLUP tanpuina 2nd Installment sem a ni a, East Tuipui bialtu MLA Pu T Sangkunga, MYC Chairman, chuan Khuallian ni in he hun hi a hmanpui a ni.

Khuallian, Pu T Sangkunga, MLA chuan NLUP tanpuina sem paha thu sawiin Mizoram sawrkar in NLUP chu tih tak tak a hmala tu, vanduai bikte tan lo chuan chuan hlawhtlinpui tham a ni a ti a. NLUP tanpuina dawngtu hmala thalo te chu mahni inbum mai an ni tih sawiin an NLUP dawn rual pui te hnen a inhlawhfak an la hmabak dawn a ni a ti bawk. Pu T Sangkunga chuan a bial chhung a Sawrkar hmalakna kal mek leh hmachhawp hrang hrang te tarlangin inkalpawhna kawngpui tha siam leh kawlphetha mipui ten hnianghnar zawk a an dawn theih nan Tlawva, Kawlbem leh Lamsial Project te puitlin tep a nih tawh thu a sawi a.

NLUP hmalakna bakah Mizoram Sawrkar chuan NEDP duang chhuak in hmasawnna hna a thawk tan leh mek a ni a ti bawk. NLUP semna inkhawm hi Champhai District Agriculture Officer Pu RK Nithanga'n a kaihruai a. Khawbung BDO Pu James Lalnithanga leh Champhai District IPRO Neng Thianlala bakah Agriculture Department thawktu engemawzatin an telhpui a ni.

East Tuipui Consituency hmuam chhung a chhungkaw 225 hnenah 3rd leh 4th Phase NLUP tanpuina 2nd Installment sem a ni dawn a, Khawbung Community Hall ah chhungkaw 86 hnenah sem leh a ni ang. WRC-I leh WRC-II thlangtu te hnenah Rs 20000/- leh Fu chin thlangtu te hnenah Rs 16000/- theuh hlan an ni.