No.2580/2020-2020

Hripui Covid-19 leng mek dona kawngah Khawzawl District mipuiten theihtawp chhuaha hma kan lak mek laiin, Mizoram khawchhak hmun thenkhatah Lirnghingin chhiatna thlenin Khawzawl District chhungah ngei pawh harsatna athlen a. He khuarel chhiatna leh furpui lo thleng mek vanga harsatna thleng ngaihtuahin Dt.25.6.2020 (Ningani) khan District Disaster Management Authority (DDMA), Khawzawl chu DC’s Conference Hail-ah an thu khawm a. Khawzawl district khuarel chhiatna laka kan him theihna turin ruahmanna ahnuaia mi ang hian siam a ni:-

1. Pu R.Liankhuma Building Electric Venga mi chu a bul hnaia chengte tana himlo leh chhiatna thlen thei mai a nih vangin Joint Verification Team te rawtna anga DDMA thutlukna angin DC/Chairman, DDMA chuan Dt.30.6.2020 (Thawhlehni) atanga Dt.7.7.2020 (thawhlehni) chhunga thiat turin thupek a siam a. He Building thiahna-ah hian DDMA member, 2 IR Police, PWD Labour leh Electric Veng mipuite thawkchhuak tura beisei an ni.

2. Khuarel chhiatna chi hrang hrang thleng thin a hriattur tu (rang taka hriat a nih a, ruahmanna felfai leh tha District Administration atanga siam a nih theih nan District Emergency Operation Centre (DEOC) chu engtik lai pawha biak pawh theih turin Deputy Commissioner’s Office-ah siam a ni a. Nodal Officer atan Dr. Saithangpuia, SDC ruat niin, he DEOC biak pawh theihna number chu-8119956757 a ni.

3. DDMA hmalakna in Quick Response Team (QRT) din tura hmalakna kalpui mek a ni.

4, A chunga tarlan bakah hian Mock drill buatsaih leh veng/khawtina VLDMC te chu an huamchin chhunga chhiatna thlen theihna hmunte lo enfiah a, report arang thei ang bera pe tura hriattir an ni.

Khuarel chhiatna laka kan him zel theih nan chhungkaw tin te hma la vek turin DDMA chuan a ngen bawk a ni.