No.2581/2020-2020

Chanchinbu thenkhatah India sorkarin India ram thingtlang khua In zawng zawng tui connection (Functional Household Tap Connection) pek vek a tumna programme Jal Jeevan Mission (JJM) chungchang a lo lang a. Hetah hian thu hriatfiah tawk loh deuh te a awm theih avangin mipuiten thu chiang lehzual kan hriat theih nan hetiang hiian PHE Department chuan thuchhuah a siam -

1. India Independence Day 15th August 2019 khan Prime Minister Pu Modi a chuan India thingtlang khua a In zawng zawng te tui connection pek vek na tur programme JJM chu a puang ta ut mai a, thil ropui tak a ni. PM chuan kum 70 chhung tih theih loh kha kum nga (5) chhunga tih kan turn tiin chhuang takin a sawi nghe nghe a ni.

2. Hemi hnu hian State hrang hrangte chu hma la nghal tura hriattir an ni na chungin Guidelines a awm rih loh avangin tumahin hma an la thei lova, Guidelines hi 25th December, 2019 khan a chhuak chauh a ni. Guidelines ah chuan kum 2019 - 2020 chhungin 30% tui connection (FHTC) pek hman tura tih a ni a, Mizoram target chu 23525 nos. a ni. Heti zat connection pe tur hian Rs. 88.00 crores mamawh a ni.a, Govt, of India in 2019 - 2020 atan a allocate erawh chu Rs. 39.86 crores chauh a ni.

3. Hna hi a hmanhmawh thlak dawn tih hriat anih avangin Guidelines chhuah hma pawh in Mizoram sorkar chu fund lokal veleh a hna tan nghal turin a inbuatsaih a.. December 2019 chhung khan central fund Rs.39.86 crores hmuh hman a ni a. He sum hmang hian January - March 2020 chhung khan thingtlang khua ah tui connection pek char char a ni a, 15878 nos. pek hman a ni.

4. He programme ti puitling tur hian Mizoram chuan India State tam tak ai in hma a la chak a, hei vang hian ni 26.3.2020 khan kum 2019 - 2020 atana allocation bak ah thawh chak lehzual beiseina incentive Rs. 28.18 crores min pek belh nghe nghe a ni. Hei hi financial year tawp ret a pek anih avangin 2020 - 2021 opening balance ah dah a ni.

5. Mizoram sorkar hnathawh ah Central lam an lawm em avangin kum 2020 - 2021 atana sum allocate chu kum hmasa let ah tihpun niin Rs. 79.72 crores hial dahsak kan ni.

6. March 2020 atangin khawvel pum ah Covid- 19 hri a len tak avangin hnathawh chak a har em em a, India State tam tak ah hna a chawl thup a, Central sorkar pawh a mangang a,June thla tir atang khan Mizoram chauh ni lovin State hrang hrang Chief Minister te lehkha an thawn chhuak chum chum mai a. Mizoram ah erawh chuan hri leng kar ah hna thawh hram hram a ni a,April-May 2020 chhung hian connection 2129 pek leh a ni. Kumin 2020 - 2021 target hi 31963 nos. a ni a, hripui kar ah pawh zawh ngei turn a ni.

7. A tir te atangin Central sorkar chuan Mizoram sorkar chungah beiseina sang tak an neih thu an sawi chamchi a. India ram pumpui target 2024 thleng anih lai in nangni chuan 2022 ah in zo fel vek thei ang an ti reng a. Hei hi erawh Mizoram sorkar tan a huphurhawm ve avangin kum 2023 ah zawh kan lo turn ang e tiin Central sorkar hriattir a ni.