No.2582/2020-2020

Dated Serchhip, the 29th June, 2020: Vawiin khan Serchhip District Addl. Deputy Commissioner Pu HD Lalpekmawia, MCS chuan Serchhip District Emergency Operation Centre tihnun anih thu leh a biakpawh theihna number te mipui hnenah a hnuai ami ang hian hriattirna a tichhuak.

Tunlaiin Mizoram hmun hrang hrangah leh Serchhip District chhung ngeiah pawh lirnghing vawi engemawzah a thleng tawh a, khua a lo furin ruahtui a lo tam tan ta bawk a. Khuarel chhiatna chi hrang hrang thleng thut thei reng a ni a. Hei vang hian, District Disaster Management Authority, Serchhip District chuan District Emergency Operation Centre (DEOC) chu 24x7 chhung phone theih turin duty a siam a. Mi tupawh, Serchhip District huam chhunga mi, khuarel chhiatna avanga harsatna tawk ten a rang thei ang bera thuneitute hnena an thlen a, rang zawka chhanchhuah hnathawh a nih theih nan heng a hnuaia phone number tarlanah te hian phone nghal turin kan inngenin kan inhriattir e:

1. District Emergency Operation Centre: 1077 (03838) BSNL mobile phone atangin.
2. District Emergency Operation Centre: 03838 - 222010
3. Denny Lalchhuanawma, SDC: 8787708157
4. Vanlalduhi Ralte, District Organiser: 9862116104