448/2024-2025

Dated Serchhip, the 10th May, 2024: Serchhip District chhunga Khumtung khuaah tun hnai hian vawk a thi nual a. Heng vawk thi te hi African Swine Fever (ASF) vanga thi an ni tih finfiah a ni tawh a. Hetiang anih avang hian he hri a darh zel loh nan he hri len mekna hmun hi Infected Area a puan a ni.

Dr. H. Vanlalrawna, District AH & Vety Officer, Serchhip chuan The Prevention & Control of Infectious and Contagious Disease in Animal Act 2009, Section 20, sub-section 1 in thuneihna a pek angin Khumtung khua, Serchhip District chua ni 9th May, 2024 atanga thu leh awm hma chu vawk hri lenna hmun, “Infected Area” ah a puang a ni.

Infected Area chhungah hian hengte hi zawm ngei tur a ni.

  1. Khumtung khua atangin vawk, vawksa leh vawksa atanga thil siam reng reng lakchhuah emaw lakluh khap tlat a ni.
  2. Vawk thi reng reng paih mai lovin, chinai/disinfectant nen thuk taka phum ngei tur a ni.
  3. Vawk talh leh vawksa zawrh khap tlat a ni.
  4. Vawk thi an awmin AH & Vety Department Officisal te hnenah hriattir vat tur a ni.