Vawiin chawhma dar 11:00  khan MYA Hall, New Saiha-ah Krishi Vigyan Kendra (KVK), Saiha buatsaihin Kisan Mela cum Exhibition hlawhtling taka neih a ni. He Programme hawnna inkhawm hi Dr. Vanlalhruaia Hnamte, Programme Co-ordinator, KVK, Saiha in a kaihruai a, hetiang ang hun hi India Council of Agriculture Research (ICAR) chuan India ram pumpuia kut hnathawk tuten hlawkna leh hamthatna engkawng emaw tala an hmuh theihna tur atan vawi tam tak nei turin KVK Centre te a phut thin a ni tih a sawi.

He programme ah hian Dr Chawngkhuma Chawngthu, President,  All Mizoram Farmers’ Union (AMFU) Saiha District  chu khuallian niin he Exhibition hi a hawng a, khuallian chuan thu sawiin kut hnathawktute hlawkna tur leh an hamthatna tur ngaihtuaha hetiang hun an buatsaih hi lawmawm a tih thu sawiin abik takin Saiha District tan phei chuan malsawmna a ni tiin Theihai leh Strawberry-ah phei chuan Mizoram pum huapa min tih hmingthatu a ni a ti bawk. He hunah hian Agriculture & Allied Sector Department hrang hrang – Agriculture, Horticulture, Sericulture, Veterinary, Fishery bakah Florist Association, Mango Growers Association (Kawlchaw’E’), AMFU, Saiha District leh Strawberry Growers Society, KM-10 (Niawhtlang-III) ten an hmalakna hrang hrang te an phochhuah bakah man man zawka lei theih tura pho chhuah nghal niin mipuiten an hlawkpui hle a ni. He Kisan Mela Cum Exibition ah hian lawmman dawng tute chu pakhatna Florist Association- Rs 5000/- pahnihna-Nara Mango Growers Association –Rs 3000/- pathumna All Mizoram Farmers Union- Rs 2000/, Consolation Prize –Rs 1000/- theuh heng Agriculture, Horticulture, Vety, Strawberry Grower Society, Mango Growers Association (Kawlchaw-E)  leh  Fishery ten an dawng ani.  Smt Dr Lalzaidami, Subject Matter Specialist (SMS), KVK Saiha chuan lawmthu sawina neiin he Exibition hi a khar a ni.