Nimin (Ni 18.4.2013) khan Keifang, VFDC Hall leh Community Hall-ah Kissan Gosthis ran vulh tute pualin programme hlawhtling taka hman a ni. He programme hi ATMA, Aizawl District buatsaih a ni a. ATMA Project Director Pu H. Thankhuman a ho a ni.

He hun hi session hnih a then a ni a. 1st Session chu VFDC Hall. Keifang ah neih niin Pu H. Thankhuma, ATMA Project Director leh DAO (Aizawl) ni bawk chuan kaihruaiin mithiam rual Agriculture leh AH&Vety Officers te bakah KVK, Selesih Scientist ten kuthnathawk-tu kalkhawmte zirtirna an pe a. Ar vulh dan, ran natna lar Swine fever, Foot and Mouth disease leh tunlai vawk natna bakah ran ek leitha a siam dan chungchang zirtirna pek a ni. Keifang VCP Pu Biakzauvan he hunah hian khawtlang aiawhin lawmthu sawina hun a hmang a ni.

2nd Session hi chawhhu dar 12:30 ah Community Hall, Keifang ah tan leh a ni a, Dr. F. Vanlalruata, Vety Officer-cum-Chairman, BTT, Phullen Block in kaihruaiin, Animal free clinic programme neih leh a ni. He free clinic ah hian vawk, Ui, bawng vulh tute hnenah ran enkawlna damdawi a thlawn a sem a ni a, ran vulh tute an tha hnem hle a ni. He hunah hian ran Doctor te leh ATMA a thawk tu ten Mobile-Clinic an nei zui nghal a, Saitual leh Keifang a ran vulhtute, an ran vulhna hmunah tlawh chhuakin an ran vulh damlo te a hmunah an ensak a, damdawi pek ngaite a thlawnin an pe nghal a ni.He Kissan Gosthis ah hian ATMA, Aizawl District atangin mi 15 an kal a, Vety Officer Doctor 7, CAU, KVK (Selesih) atangin Scientist 3 bakah Agriculture Directorate leh DAO (Aizawl) Office atangin Officer pawimawh tak tak an tel bawk a ni.

Hetiang Kissan Gosthis Programme hi kut hnathawk tute tan a tangkai hle a, a bikin ran vulhtuten an tangkaipuiin an hlut hle a ni.