Vawiin hian Khawpuia Memorial High school, Dawrpui Vengthar chuan kum 50 an tlin Golden Jubilee lawmna program ni hnih awh tur an school ah an hmanga, a lawmna ni hmasa ah hian Chief guest, School Education minister Pu. H. Rohluna’n a hmanpui.
Minister Pu. H.Rohluna chuan K.M. High school chu ram leh hnam tana mi tangkai tam tak chher chhuak tu ani chu lawmawm ati a, zirna in hma a sawn zel laia mizo thalai central service a inziak tling kan tlem tual tual chu zirlaiten an zir naah tan nasa zawka la tur in a fuih bawk. Chief Secretary Pu Lalmalsawma, IAS chuan Jubilee Souvenir hawnna neiin amah ngei pawh he school a zirlai alo nih thin thu leh hlawtling tur chuan zirlai te an pawimawh ber thu a sawia, zir duhna thinlung pu theuh turin zirlai te a chah bawk.
Golden Jubilee lawmna program ni hmasa zawk chu chairman Pu. Zoliana Royte in kaihruaiin Rev. Lalfakawma Ralte in hunserh a hmang a, K.M. high school a lo thawk tawh te leh thawk mek te hnenah lawmpuina citation hlanna hun neih ani bawk. He hunah hian Pu Lalbiaktluanga’n K.M. High school documentary film a tlangzarh a, Pu Biaksanga’n school Monument hawnna nei leh in Pi Zochhingpuii’n school Exhibition a hawng nghal bawk. Pi Thanthuami, Headmistress K.M. H/S chuan Golden jubilee an hmang thei chu lawmawm atih thu a sawi a, Jubilee cake zaina hun a nei nghal bawk. Ni 25, 2018 hian Golden jubilee lawnna program hman chhunzawm leh tur niin jubilee ruai buatsaih tum ani bawk.
