Vawiin khan Kolasib District chhunga chanchinbumi Press Accreditation nei tharte pualin Pi Lallianpuii, DIPRO chuan a office, Project vengah Kolasib MJA te a kawm a. He hunah hian Accredited Pressmen te dinhmun leh khawtlang leh ram tana an rawngbawlna te sawi ho a ni. \'

Pi Lallianpuii chuan Accredited pressmen te chu sawrkarin dinhmun tha tak a siamsak chu lawmpuiin hetih rual hian sawrkar laka an bat leh mipui leh sawrkar inkara thawktu an nih hre reng tur leh an dinhmun thar chu an hnathawhna kawnga phurna thar siamsaktu ni ngei se a duh thu a sawi a ni. Pu Lalhmachhuana , President , MJA pawhin thu sawiin Mizoram sawrkar I& PR te leh chanchinbumite inlaichinna chu state dang te ai zawnga thangduang nia a hriat thu a sawi a. Press Accreditation chu fimkhur leh uluk taka tih thaa a hriat thu pawh a sawi a ni.

Kolasib-ah hian Chanchinbumi pali accreditation pek thar an ni a. Chungte chu- H. Vanlalnghaka, C. Zatluanga, Madan Subedi leh H. Lalmuanpuia (Kawnpui)te an ni a. Tihian Kolasib District-ah accredited pressmen pakua an awm ta a ni.