Kolasib a Chapchar Kut 2017 hmandan thlirho in vawiin khan Chapchar Kut 2017 Organising Committee leh Working Commitee te DC Conference Hall-ah Pu H.Lalengmawia, Deputy Commissioner & Chairman hovin an thukhawm.

Mizoram hmundang rualin Kolasib-ah hian Chapchar Kut 2017 chu March 3, 2017 khan Tumpui Field Kolasib-ah ropui taka hman niin, Pu Zodintluanga, Minister PHE, UD & PA etc. chu Kut Pa a ni a. Kut hmanna senso atan hian sorkar atanga Rs. 2,00,000/- (Cheng Nuai hnih) hmuh bakah mi thahnemngai te’n Rs. 2,35,365/- (Cheng Nuai hnih singthum sangnga zathum sawmrukpanga) thawhkhawmin, Kut hmanna atana sum hmuh zawng zawng hi Rs.4,35,365/- (Cheng Nuai li singthum sangnga zathum sawmrukpanga) a ni a. Rs. 4,34,315/- ( Cheng nuai li singthum sangli zathum sawmpanga) hman ral a ni.

Vawiin thlirletna hunah hian Working Committee te, Sorkar Department hrang hrang te, Tlawmngai Pawl leh NGO hrang hrang bakah mimal inpe ten thawhhona tha tak hnuaia Kut hlawhtling taka an buatsaih thei chu lawmawm an tih thu tarlan a ni a. Kut hmanzelna tur atana hmanrua tha zawk neih dan tur ngaihtuah zui ni se an ti a. Hei bakah hian a neitu chan changa NGO hrang hrang te an tel tam zawk nan hmalak nise an ti bawk.