Nimin tlai khan ni 5 chhung programme nei tura Mizoram rawn tlawhtu, Pi Rekha Sharma, Member, National Commission for Women chuan Central Jail a hmeichhe lungin tangte dahna bik, Female Ward  a tlawh.

Pi Rekha Sharma hian Central Jail-ah hian hmeichhe lungin tangte kawmin an dinhmun te a endik a. Hmeichhe lungin tangte chu enkawl uluk bik an ngaihna tam tak a awm thu sawiin jail tang enkawltute chu tan la zual turin a hrilh a. Hmeichhe lungin tang ten enkawlna thazawk an dawn theihna tura hmalak ngai te leh harsatna awm thei te chu a hnena thlen turin Central Jail thuneitute chu hrilh in a theih anga hmalakpui a tum tih a tarlang.

Pi Rekha Sharma hi Mizoram State Commission for Women hotuten an tawiawm a. Centrail Jail thuneitute tarlan dan chuan tunah hian Central Jail, Female Ward-ah lungin tang 69 leh nausen 4; an vaiin 73 an awm mek a ni.