Vawiin khan Kolasib DC Conference Hall ah Kolasib Addl DC Pu Laltanpuia Hnamte kaihhruaina hnuaiah kum 2019 Chapchar Kut hman dan tur rel in Chapchar Kut Celebration Committee a thukhawm.

Mizoram Sawrkar ina a rel tawh angin Chapchar Kut hi Vau Thla tahrik ni 1 a hman tur niin, Thutkhawm chuan Kut Pa a tan Kolasib bialtu MLA leh FCS&CA Minister ni bawk Pu K Lalrinliana chu sawm nise tiin a rel a, a hmun a tan Tumpui GSA Playground ruahman a ni. Thutkhawm chuan Chapchar Kut lawmna tura a taka hnathawk tur Chapchar Kut working Committee a din a, Chairman ah Pu C Liankunga, President Sub-Hqrs YMA Kolasib ruat a ni a, Vice Chairman ah Pu J.Rothanga, DAO leh Pu C.Lalrinkima, President, MCO, Kolasib te ruat an ni a, Secretary a tan Pu Stephen Auhmun, APO, DRDA Kolasib leh Treasurer a tan Pi Lalrinkimi, Asst. Commissioner of State Tax te ruat an ni bawk.

Hemi bakah hian Subject Committee hrang hrang din ani a, heng committee peng te hian chapchar kut lawmna tur a tana kawng hrang hranga inpuahchahna ah hma an la dawn a ni.