Vawiin khan Kolasib District Agriculture Officer chuan an District chhunga lo neitu mi 15 te hnenah buh leh thlai hlawk zawka an thar theihna atana an hna thawhna turin Power Tiller a pe chhuak.
Power Tiller sem chhuahna inkhawm District Agriculture Conference Hall a neih hi Pu Lalrinliana, DAO chuan a kaihruai a. Thuhma leh inlawmna thu sawiin, Sawrkar chuan kut hnathawktute intodelhna tur leh hlawk taka ram leilung an hman theih dan tur hi a ngai pawimawh em em a. Bawngtuthlawh ringawt hmanga hna thawh hi tunlai thangtharten an khawpkham tawh lo mai ni lovin tunlai thiamna sang chho zelah technology thar nena hna thawhtir hi a tum a ni, a ti a. Kolasib District loneitute hian hna kan thawk nasa dawn a ni tih sawiin Pu Rina chuan, Power Tiller dawngtute hian mawhphurhna sang tak kan nei ta a ni, a ti a.Tuna Tiller sem chu sawrkar programme NLUP thawh hmahruai a ni a, an khawl leina atan hian NLUP sum thahnem tak sen a ni, a ti a ni.
Pu K. Zirliana, Dy. Director chuan Power Tiller Subsidy dawngtute hnenah hian an khawl lak chhuahna tur lehkha pawimawh leh sawrkara an intiamkamna Affidavit a hlan hlawm a. A hma in khawl dawng tur te hi tehna hrang hranga lo teh tawhin ram leilung fa ngei an ni em, mahni leilet uluk taka enkawl thin an ni em tih leh buh leh thlai tharchhuah kawngah hma an la tha em tih te, an dawn hnuah tuma hnenah an hralh chhawng tur a ni lo tih intiamkamna te pawh affidavit ah hian tih lan a ni.
Pu Lalchhanliana, SCE, Directorate of Agriculture chuan Technical report a pe a. Tunhmaa subsidy an pek thin aia sang tak tun sawrkar-ah hian pek a ni a ti a. Hei hi a chhan chu Tun sawrkara Agri Minister hova High Power Comittee ten sawrkar hmasa a MIP sum bang hman theihna tura nasa taka an beih vang a ni, a ti a. Department in scheme an siam ve ang angte a taka ti puitling tura sawrkar hotute tanlaknaah mimal tak pawhin sawrkar hnenah hian lawmthu ka sawi a ni, a ti. Pu Chhantea chuan, tun dinhmunah a vaiin Power Tiller 413, Mini power tiller 46 leh tractor 55 sem tura tihfel tawh a ni a. Kolasib District tan bik cheng Nuai 53 sen a ni tawhin Power tiller hi 65 sem tawh a ni, a ti.
Tun tuma tiller sem hi Kolasib district bikah chuan a tum thumna a ni a. Hun hma lamah 28 leh 22 tein tum hnih lo sem tawh a ni. Tun atanga hun rei vak lovah Tractor mi 6 hnenah subsidy a pek a ni leh dawn bawk a ni. Sawrkar hian khawl 1 ah Rs 90000.00 zel a tumsak a. Khawl tha chak dana zirin model Ganga Sifang dawngtuten Rs 33,000.00 an pek ve a ngai a.VST Shakti dawngtuten Rs 69900.00 an pek a ngai thung a ni.
Power Tiller dawngtute hnenah hian DAO Offife chuan a taka khawl hman dan zirtirna vawiin vek khan a pe nghal a. Training hi Tuichhuahen ah pek a ni.
Pu K. Zirliana, Dy. Director chuan Power Tiller Subsidy dawngtute hnenah hian an khawl lak chhuahna tur lehkha pawimawh leh sawrkara an intiamkamna Affidavit a hlan hlawm a. A hma in khawl dawng tur te hi tehna hrang hranga lo teh tawhin ram leilung fa ngei an ni em, mahni leilet uluk taka enkawl thin an ni em tih leh buh leh thlai tharchhuah kawngah hma an la tha em tih te, an dawn hnuah tuma hnenah an hralh chhawng tur a ni lo tih intiamkamna te pawh affidavit ah hian tih lan a ni.
Pu Lalchhanliana, SCE, Directorate of Agriculture chuan Technical report a pe a. Tunhmaa subsidy an pek thin aia sang tak tun sawrkar-ah hian pek a ni a ti a. Hei hi a chhan chu Tun sawrkara Agri Minister hova High Power Comittee ten sawrkar hmasa a MIP sum bang hman theihna tura nasa taka an beih vang a ni, a ti a. Department in scheme an siam ve ang angte a taka ti puitling tura sawrkar hotute tanlaknaah mimal tak pawhin sawrkar hnenah hian lawmthu ka sawi a ni, a ti. Pu Chhantea chuan, tun dinhmunah a vaiin Power Tiller 413, Mini power tiller 46 leh tractor 55 sem tura tihfel tawh a ni a. Kolasib District tan bik cheng Nuai 53 sen a ni tawhin Power tiller hi 65 sem tawh a ni, a ti.
Tun tuma tiller sem hi Kolasib district bikah chuan a tum thumna a ni a. Hun hma lamah 28 leh 22 tein tum hnih lo sem tawh a ni. Tun atanga hun rei vak lovah Tractor mi 6 hnenah subsidy a pek a ni leh dawn bawk a ni. Sawrkar hian khawl 1 ah Rs 90000.00 zel a tumsak a. Khawl tha chak dana zirin model Ganga Sifang dawngtuten Rs 33,000.00 an pek ve a ngai a.VST Shakti dawngtuten Rs 69900.00 an pek a ngai thung a ni.
Power Tiller dawngtute hnenah hian DAO Offife chuan a taka khawl hman dan zirtirna vawiin vek khan a pe nghal a. Training hi Tuichhuahen ah pek a ni.
Attachment
- Loading attachment...
