Nimin khan Kolasib District huamchhunga sawrkar pisa hrang hrang hotute tan Chhiatrupna leh a kaihhnawih chungchangah Kolasib DC Conference Hall-ah zirhona buatsaih a ni.

He programme Pu Lalfela Sailo, Addl. DC, Kolasib District kaihhruai ah hian Kolasib DC Pu Jitender Yadav chuan thla hmasa a National Disaster Respose Force (NDRF) in Kolasib District huamchhunga hmun hrang hranga chhiatrupna chungchanga zirtirna leh inhrilhhriatna hun an buatsaih chu mipuiin an hlutin an ngaihven hle nia a hriat thu a sawi a. Khuarel in a thlen theih chhiatna leh rikrum thil hrang hrang te kan hriatchian leh heng thil te a thlen palha  chet lak dan leh inralrin kawng te kan hriat theuh a pawimawh  a ni, a ti a. Chhiatna reng reng a thlenin YMA chu an pawimawh hle nia a hriat thusawiin a hmun thleng hmasa bera, a tul zawng zawng an ti thin chu ropui a tih thu a sawi bawk.

He ni khat awh training ah hian lirnghing leh kangmei chungchang bik zirho niin hetiang rikrum thil a thlen palh thua chiai lova insenghawi dan chungchang  lemchan ‘Mock Drill’ hmangin kalkhawmte zirtir an ni bawk.