1020/2025-2026

Dated Kolasib the 1st July, 2025 : Vawiin chawhnu dar  khan Kolasib District Agriculture Marketing Committee (DAMC) kaihhruaina in Secondary Collection Centre, Thingdawlah Bana Kaih (Handholding Scheme) hnuaia Sawhthing lakkhawm/hralh kharna hun hman a ni a. He hun hi Pu Lalnunpuia, District Horticulture Officer chuan a kaihruai a, Kolasib Addl. DC Pi B. Malsawmtluangi chu khuallian a ni.

Pi B. Malsawmtluangi , Addl. DC chuan kalkhawmte hnenah fuihna thu sawiin, Mizoram Sawrkarin Bana Kaih (Hand Holding Scheme) a kalpui chu mipui leh ram hmasawnna tur a nih thu a sawi a. Sawrkar hnuaia Scheme hrang hrang awmte chuan  an tum ber chu mipuite intodelhna ngaihtuah a nih thu sawiin, Sawrkar Scheme hlawhtlinna pawh mipuiteah thui tak a innghat a ni, a ti a. Taihmakna chu hlawhtlinna nei tura thil pawimawh tak a ni tiin, mitin mahni intodelhna kawnga taihmak kan chhuaha hma kan lakna chuan ram hausa leh intodelh a siam thin a ni, a ti.

Pu Joseph Lalnuntluanga, District Agriculture Officer leh DAMC Member Secretary ni bawk chuan Report pe a. Bana Kaih hnuai Scheme hnuaia Kolasib DAMC hmalakna te tarlanna hun a hman bakah, Sawhthing, Buhhum leh Hmunphiah lei leh hralh dante Report a pe a ni.

Report a tarlan a nih angin DAMC Kolasib hnuaiah hian Society 55 awmin,  Secondary Collection Centre 5 a awm a. February ni 20, 2025 khan DAMC hmalakna hian Bana Kaih hnuaiah  Sawhthing lei hi Kolasibah kalpui tan a ni a. June ni 30, 2025 thleng hian Bana Kaih hnuaiah Mizoram Sawrkarin Kolasib DAMC kaltlang hian mipuite hnen atangin Qtls. 3882.975 a lei sak tawhin, chu chu cheng nuai 194 chuang man hu a ni.