1021/2025-2026

Dated Mamit the 1st of July,2025 : Vawiin khan Mamit District chhunga Bana kaih policy-Sawrkar flagship programme hnuaia sawhthing lei leh hralhna bakah sawhthing lei tawpna ni enpuiin Pu K.Laltlawmlova, Chairman District Agricultural Marketing Committee chuan Reiek, Kanghmun leh Rawpuichhip SCC te a tlawh.

Pu K.Laltlawmlova chuan sawhthing lei khawm tawp ni enfel pui tura Reiek, Kanghmun leh Rawpuichhip a tlawhnaah hian Secondary Collection Centre-te chu mumal taka sawhthing lei leh hralh a nih theih nana buaipuitute an nih avangin lawmthu a hrilh a,sawhthing lei sa tihral leh enkawlna kawngah theihtawp chhuah zel turin a chah bawk.

Vawiin Secondary Collection Centre pathum Reiek, Kanghmun leh Rawpuichhipah te hian SCC hruaitute leh coordinators-te nen inkawmhona neih niin sawhthing an lei leh hralh dan report ngaihthlak leh enfiah a ni a, harsatna lian tham an tawh loh thu ngaihthlak a ni.

Secondary Collection Centre tlawhna-ah hian Pu Ngurrinsanga Sailo, Secretary, DAMC bakah member dangte an tel a ni.