2372/2023-2024

2023 Khuangchawi thla ni 19: Mizoram Legislative Assembly Inthlanpui 2023 lo awm tur atana Kolasib District chhunga assembly bial pathum - 4-Tuirial, 5-Kolasib leh 6-Serluia inthlan buaipui tura ruat, 2nd leh 3rd Polling Officer (PO)-te tana training thawh khatna chu vawiin khan Kolasib-a St John's Higher Secondary School-ah buatsaih a ni.

He training-ah hian State/District/Assembly Level Master Trainer paruk - Pu Lalremruata Sailo, SDO (Civil) Vairengte; Pi F. Lalnisai, BDO Thingdawl; Pu Henry Malsawmtluanga, BDO Bilkhawthlir; Pu Gilbert Lalhlimpuia, SDC Kolasib; Dr Lalramdintluanga, SDC Kolasib leh Pu Samuel Lalrinawma, Lecturer, DIET Kolasib te'n training hi an pe a. Chawhnu lamah EVM hman dan a taka zir hona buatsaih a ni bawk.

October ni 17, 2023 khan Presiding Officer-te leh 1st PO-te tana training thawh khatna buatsaih a lo ni tawh a. Ruahman lawk dan chuan polling official (PRO leh PO)-te tana training hi thawh thumna thlengin buatsaih tum a ni.

Kolasib District chhunga assembly bial pathumah polling station 89 awmin, polling station tinah hian inthlan buaipuitu PRO 1 leh PO 3 ṭheuh an awm dawn a ni.