Kolasib-a Anti Tobacco Squad te chuan Vaihlo khuahkhirhna Dan, COPTA, 2003 chu khauh taka kalpui turin hma a la mek a. Tobacco zuartute chu an thil zawrh funna/ bawm tinah hriselna atana a pawizia an tilang vek tura tih an ni a. Rei vak lovah hei hi check lehin dan zawm lote chu Dan tlawhchhanin an bungraw mansak emaw, a tul anga hma lak a ni dawn a ni.

COPTA 2003 Section (a) chuan vaihlo leh a kaihhnawih reng reng kum 18 hnuailam hnena hralh a khap tlat a. COPTA dan chhunga Packaging & Labelling Amendment 2011 chuan vaihlo leh a kaihhnawih zuartute chu heng Board te hi hmun langsar lai bera tar vek turin thu a pe a ni. Board hi a te berah 60x30 cm a ni tur a ni.