Kolasib District chhunga Industries Department hnuaia NLUP trade thlangtute tan hnathawhna tur sum 2nd installment tun kar chho hian sem runpui neih a ni a. Nimin khan DIC Conference Hall, Tuitha Veng-ah Kolasib khaw chhunga veng thenkhatte tan sem lehin a vaiin mi 88 hnenah pawisa hi sem leh a ni a. An trade thlan a zirin a tam berah mi 1 hnenah Rs 10,000/- thlenga pek a ni. Kolasib District chhunga Industries Department hnuaia 2nd installment sem hna chu zawh a ni ta a ni.

Nimin NLUP tangka sem hi a zavaiin Rs . 49,72,000/- a ni a. Nimin piah lam khan Bairabi, Meidum, S. Chhimluang ah te mi 57 hnenah Rs . 30,10,000/- pek chhuah alo ni tawh bawk a ni.