State Level Chapchar Kut, 2017 Organising Committee in March 3, 2017 a Chapchar Kut hman tura rel bawhzuiin vawiin khan Kolasib District Level Chapchar Kut, 2017 Organising Committee chu an Chairman District Bawrhsap Pu H. Lalengmawia hovin DC Conference Hall-ah an thukhawm.

Committee chuan kumin Chapchar Kut chu nikum ang talin emaw a aia ropui zawka hman leh ni se tiin an rel a. A hmandan tur kimchang lo duang a, hmalak tul ang ang lo bawhzui turin Working Committee Pu C. Lalzahngoa, Suprintendent of Police Kolasib kaihhruai turin din a ni a. Working Committee-ah hian member 25 awmin district a official te, tlawmngai pawl te bakah MZI leh MCO te an awm a ni. Organising Committee hian Kut Pa atan Pu Zodintluanga, Minister PHE etc. sawm ni se an ti bawk.