February ni 13-18 chhunga All India Civil Services Badminton Competition Mizoram-in a thlen tura inbuatsaihna kal mekah vawiin khan Chief Secretary Pu Lalmalsawma IAS hovin Chief Secretary’s conference room-ah Organising Committee an thu khawm a. Hemi atana mawhphurhna changtu Sub-Committee hrang hrang te inbuatsaihna thlir ho a ni.

AICS Badminton competition hi Mizoram in hlawhtling takin a lo thleng tawh thin a. Tun tuma he inelna awm turah hian India ram state tin atangin infiam mi te leh official thahnem tak lo tel tura beisei an ni a. Ram pum huap inelna a nih angin Mizoram-in hlawhtling tak leh mawihnai taka he inelna hi a thlen theih nan Chief Secretary chuan hemi atana sorkar-in Sub-committee 12 a ruat te chu an mawhphurhna chan theuh thahnem ngai tak leh inpekna rilru nen hlen chhuak turin a beisei a ni, a ti.