4076/2023-2024

2024 Vau thla ni 7: Vawiin khan Kolasib District Chapchar Kut Organising Committee chu an Chairman, District Bawrhsap Pu John LT Sanga kaihhruaiin Kolasib DC Conference Hall-ah an ṭhu khawm a. March ni 1, 2024 (Zirtawpni)-a Kolasib Ṭumpui Khelmuala Chapchar Kut hman dan an thlir let.
Chairman Pu John LT Sanga chuan Kolasib-ah Chapchar Kut hlawhtling taka hman a ni chu lawmawm a tih thu a sawi a. Chapchar Kut hlawhtlinna chu Organising Committee, Working Committee, Sub-Committee leh mawhphurhna hrang hrang neitute ṭhahnem ngaihna leh inpekna leh District mipuite phurpuina vang a nih thu sawiin, lawm thu a sawi a ni.
He hunah hian Working Committee Chairman Pu C. Liankunga, Kolasib Sub-Headquarters YMA Vice President chuan Sub-Committee hrang hrangte, sawrkar department hrang hrangte, YMA, MHIP, MUP, MCO, MZI, ZOOM, MJA leh mawhphurhna hrang hrang neitute hna thawh tar langin, an thawh hona ṭha tak avangin lawm thu a sawi a. Working Committee Secretary Pu Lalnunmawia, Kolasib Sub-Headquarters YMA Secretary chuan Chapchar Kut inbuatsaihna kalpui dan leh hman dan report a pe a. Working Committee Treasurer Pi C. Lallianpuii, District Fisheries Development Officer chuan sum hman dan leh sum dinhmun a tar lang a. Member-te'n Chapchar Kut hman dan thlir letin, thil chhinchhiah tlak leh zawngchhang chi te, hmasawnna tur kawng hrangte an sawi ho a ni.

Attachment

  • Loading attachment...