Vawiin khan Kolasib Tumpui field-ah Chapchar kut hlim  leh phur taka hman a ni a, Assembly Speaker Pu R. Romawia chuanKutPaniin a hmanpui a ni.

Thuchah sawiin Pu R.Romawia chuan Chapchar Kutkanhman meknaah hiankanpi leh pute nun ze mawi Rinawmna, Taimakna leh Tlawmngaihna te a tharin i char leh ang u, a ti a.  Hlim takin Kut hi hmang theuh ila, chutih rualin Zo nun ze mawi a thara zir leh in hawh u, inhmangaihna leh inunauna  kanneih theih nan rilru thar i pu ang u, a ti a ni.

 Speaker chuan,kanram tinuamturinhausa leh rethei inkar zau ta lutuk hisiamthat a ngai a  ni, a ti a. A hnam anga kan din chhuaha hnam zahawm kan lo nih theihna turin mitinin ka ta kan tih theih tur ram kan neih theih nan hausa te pawn ngaihtuahna thar kan hman a ngai a ni, a ti a. Israel ten an ram Jubilee alo thlena ram neilote hnena ram an hlan thin ang khan keini pawhin ram neilote tana thil phal tum ila, rualkhai zawka kan hnam kan intunnun theihna tura rilru kan put a ngai a ni, a ti. Kan Zoramah retheihna avangin mi tamtakin kan ram kan hralh a, dai hnai huan lo ram te mi hausa ram an chang zo ta a. Tun Chapchar Kut kan hman lai hian mi hausa ten Jubilee puangin retheite tan thilphalna hun ni thei se, Pu Romawia chuan a ti.

Kan ram dinchhuah nana mamawh ber chu Moral Reformation Rilru siamtharna a ni, Speaker chuan a ti bawk a.Kan rinawm loh avangin taima taka miin huan thlai a siam sa seng khalh kana wm thin a. Hei vang hian miin taima leh rinawm taka thawh an bansan ta f ova, a pawi em em a ni, a ti bawk a ni.Kan Kristianna nena inkalh si lovin kan hnam zia, Culture te vawng nung tlat ila, mahni hnam zia zahpui lova vawng nung reng hnam boral an awm ngai lo a ni, Pu R. Romawia chuan a ti a ni.

Kolasib-a Chapchar kut hmanna hi Pu C.T. Mawia, President, Sub Hqrs YMA in a kaihruai a. Kolasib mi chhuanawm pahnih Er. Jerry Lalchungnunga , Aeronautical Engineer Officer, Russia Jet Fighter Sukhoi 30 (MKI) enkawl tura thlan chhuah Mizo zinga a hmasa ber  leh H. Lalremliana, Headmaster, Govt. Diakkawn M/S II State Teacher Award dawng tawh te hnenah chawimawina Kut Pa Pu Romawia’n a hlan a ni.

Zai leh lam chi hrang hrang ngaihthlaka entir a nih bakah Mizo thil hlui chi hrang hrang Diakkawn Branch YMA ten an en tir a. Sub Hqrs MHIP-in Mizo Costume parade an entir bakah Chhawnghnawh neiha hun hman a ni bawk a ni