Vawiin chawhma dar 11:00 khan Mizote Kut pui Chapchar Kut 2012 chu Lunglei khawpui pawh in Mizoram hmundang te ang bawkin a hmang ve a, kumdang anglo deuhin Saikuti Hall ah hman a ni a, he hun ah hian Pu B.Lalchungnunga Ex-MLA, President, Sub-Hqrs. MUP, Lunglei chu Kut Pa niin Pu P.Lalhmangaihzuala, President Sub-Hqrs. YMA in kut hawnna a kaihruai a ni.

Kut pa chuan Chapchar Kut  chu Mizote tan kut pawimawh ber a nih reng thu a sawi a, Chapchar Kut hian Mizo te hnam angin min phuar khawm thu sawi in kan pi pu te zia rang kan chhawm nun zel a ngai a ni a ti. Mizo hnam ro leh kut te kan theihnghilh ni chu Mizo hnam theihnghilh ni a nih dawn avangin kan hnam thil hi kan hlut thiam an kan chhawm nun zel a ngai a ni a ti.

Kut Programme ah hian malzai, hla do chham, Pangpar lam, Sarlamkai, Khuallam, Chheihlam, Chai, Cheraw (Kantluang), Cheraw (Bualpui Cheraw) Siktui thianglam, Solakia, Mipui zaihona bakah Miss Chapchar kut 2012 inthlanna leh Cultural item pholanna hun hlimawm tak hman a ni.Kumin a Miss Chapchar Kut atana vote hmu sang ber hi C.R Laldingliani (zaithiam) niin, Miss.Chapchar Kut atan thlan tlin a ni. Miss Chapchar kut hi Chapchar kut Prog. nei atang a thlan a ni.