Vawiin khan Govt. Kolasib College ah Public Administration Department huaihawtin Career Guidance on Civil Service Drive neih a  ni.

He hunah hian Resource Person Pu K Zorammuana, MCS Ps to FCS&CA Minister leh Pu Gaston Vanlalhriatpuia MCS, Thingdawl BDO ten hun an hmang a. Pu K Zorammuana chuan hun vawn dik, hun awl hman tangkai bakah taima taka lehkha zir a pawimawh thu a sawi a, kawng dik leh kalphung man nan coaching kal te pawh a that thu a sawi bawk. Pu Gaston Vanlalhriatpuia chuan Lehkha chhiar tam bakah tawng thiam a pawimawh thu a sawi a, chanchinthar ngaithlak fo te a ngai ani tiin Civil Service tana inpuahchahna kawngah awmze neia lehkha zir a ngai ani a ti bawk. Hemi bakah hian Civil Service Exam a tana inpuahchah dan te le Exam hmachhawn dan tur te sawina hun hman ani a, kalkhawm zirlai te nen zawhna leh chhanna hun hman bawk a ni.