Vawiin khan Swachh Bharat Abhiyan hnuaia khawpui fai inelna kal zel ah District Urban Development & Poverty Alleviation Office, Kolasib bultumin District Sports and Youth Services Office, Kolasib kaihhruaina hnuaiah Cleanliness Drive neih a ni. 

Flag Off programme tawi Pu K.Lalthlengliana,DSYO Kolasib kaihhruai chu Chawhma Dar 11 ah DC circuit house tual, Banglakawn ah Kolasib Bawrhsap Dr.Arun.T, IAS in hmanpui a Faina kawnga theih tawp chhuaha, khawfai nih hi khua leh tui tha te tih tur leh kan mawhphurhna anih thu District Bawrhsap chuan a sawi bawk.

Cleanliness drive ah hian Sports Department hnuaia peng hrang hrang MSSC, District Sports Committee, Scouts and Guides, NCC, NSS leh NYK’s te bakah Kolasib Ex-Servicemen League te an tel ani.

Kalkhawm te hi group thuma inthenin Banglakawn atanga anin Diakkawn thlengin Cleanliness drive hi neih ani a. Tin, Regional Sports Complex, Kolasib pawh hnatlang  thenkhatte hian an ti fai nghal bawk a ni.