Nimin khan Kolasib District chhunga faina leh thianghlimna chungchanga hmalakna pahnih Swachh Bharat Mission Cleanliness Week (khawpui tan) leh Sanitation/Cleanliness Campaign (thingtlang tan) chu a rualin Venglai, Kolasib ah Kolasib DC Pu Jitender Yadav’n a hawng a. He hun hi UD&PA Department leh PHE Department tangkawp ten an buatsaih a ni.

Pu Jitender Yadav chuan Swachh Bharat Mission, Urban leh Rural tena an tum ber chu India ram hi ram thianghlim leh fai ni tura mipui tha leh zung senga theihtawpa faina beihpui thlak a ni, a ti a. He thilah hian khawpui leh thingtlang tan rualkhai taka hma lak anih theih nan programme leh ruahmanna te duan ni a, hengte hmang hian kum 2019, Mahatma Gandhi pianchamphaphak vawi 150-na a thlen a, mipui te hmalakna kaltlanga India chu ram fai leh thianghlim zawka hlankai chu a tum ber a ni, a ti. Khawtlang faina leh thianghlimna turin mimal theuhin mawhphurhna lian tak kan nei a, chu chu kan hlenchhuah a pawimawh takzet a ni, a ti bawk.

PHE EE Pu F. Sanglura pawhin thusawiin he huna kalkhawmte chu faina leh thianghlimna kawnga an thei ang anga Sawrkar hmalakna te chu tawiawma, phurpuia hma la tura sawmin faina leh thianghlimna kawnga tan la theuh turin mipuite a ngen bawk.