3440/2024-2025

Dated Kolasib the 9th December 2024: Vawiin khan I & PR Conference Hall, Kolasibah 16 Days Campaign on Elimination of Gender Based Violence kharna Program chu hman a ni a. He hun hi Pu Robert C. Lalhmangaiha, Kolasib DC chuan Khuallian niin a hmanpui.

Khuallian chuan kalkhawmte chibai bukin Krismas leh Kumthar him taka hmang turin duhsakna a hlan nghal a. Vawiina an hun hman pawimawh zia sawiin, mipa in chaklo zawka a ngaih hmeichhia an diriamna leh an chungtlakna tibo tura beihpui thlak na hun an hmang zo thei chu lawmawm a tih thu a sawi a. Chhungkaw kehchhia Mizoramah an tam ta lutuk chu pawi a tih thu a sawi a, chu chhungkaw kehchhiatna awm thin chu hmeichhiate chunga hleilennain nasa takin a thlen a ni, a ti. Vawiin an hun hman chu hmang tangkai a, chhungkaw nghet, nu leh pa in ngeih, chhungkaw hlim leh hlawhtling nei tura tan la turin kalkhawmte chu an pawimawh takzet a ni, a ti. Dan in hmeichhia a venhimna kawngah, a hrilhhretu leh a sulsutu ni turin MHIP leh Kohhran Hmeichhe Pawl hotute pawh an pawimawh hle a ni, a ti bawk.

Pi Cacy Malsawmtluangi, CJM Kolasib chuan Resource Person niin thusawina hun a hmang a. Gender Based Violence chu enge tih leh engtinnge umbo a nih theih ang tih chu an hriat a pawimawh a ni, a ti a. Gender Violence hrang hrang tarlang in Gender Based Violence tih reh dawn chuan Gender Violence chu enge a nih tih hriat a ngai a ni, a ti a. Women Empowerment pawh mipain anmahni ah leh an chhungkua ah bul an tan a ngai a ni, a ti. Hmeichhiate laka hleilenna tihbo nana Sawrkar in venhimna dan a pek thenkhatte tarlanna a nei bawk.

Vawiin Program hi Pu C. Vanlalzapa, CDPO Thingdawl chuan a kaihruai a. Hmeichhiate chanvo humhim nan Sawrkar hmalakna hrang hrang sawiin, Kolasib District ngei ah pawh One Stop Center-te, Shakti Sadan-te, Observation Home-te, DCPU Child Protection Unit-te a awm thu a tarlang a. Pi Elizabeth Lalmuankimi,District Mission Co-Ordinator in Report tawi pe in vawiin an Program chu ni 16 chhung Gender Violence chungchang a Awareness an kalpui tawh kharna hun a nih thu a tarlang a, hemi chungchanga Target 500 Achieve turah 634 Kolasib chuan an Achieve a ni, a ti.

Vawiin hunah hian Kolasib chhunga hmeichhia thahnem tak an kalkhawm a. Chung zingah chuan MHIP te, Kohhran Hmeichhiate leh pawl hrang hrang aiawhte an tel a ni. Program zawh hian Hmeichhe laka hleilenna tibo tura Thutiam lakna neih nghal a ni a, hemi zawh hian Pi Zonunpuii, SFL Kolasib chuan lawmthu sawina neiin hun tihtawp a ni.