Vawiin khan Kolasib District chhunga dan lova naupang chhawr Child Labour chungchang ngaihtuahtu - District Committee on Child Labour chu an Chairman DC Pi Niharika Rai, IAS hovin a office chambr-ah an thu khawm a. District chhunga dan kalha naupang chhawr dap chhuah dan tur an sawi ho.

Committee chuan naupang dan kalha chhawr te, sumdawnna hmun, restaurant, dawr, hotel, thingpui dawr huan leh lo tc. a hnathawhtir te dap chhuah hna thawk tur hian khua leh vengtina VC te ruat nise an ti a. Chipchiar taka an area chhung theuhva survy an neih hnuah Pi Maria C.T. Zuali, Project Director, DRDA, Member Secretary, Kolasib hnenah an thil hmuhte an report ang a. VC tin te hi an report 31 October, 2011 aia tlai lova thehlut tura tih an ni. Report thehluh hnuah hian Committee chuan NGO dangte nena thlirzaunva hun a nei leh dawn a ni.