Vawiin khan Kolasib a District Disaster Management Authority chuan chhiatrupna a thlen thulha chet lak dan tur ruahmanna duan thar Incidence Response System (IRS) chungchanga mawhphurhna leh chanvo neite tan zirtirna leh inhrilhhriatna hun an buatsaih a. He training hi Kolasib DC Pu H. Lalengmawia'n a hmanpui a ni.

Pu H. Lalengmawia chuan Incident Response System (IRS) chu chhiatrupna a thlen thulha rang taka chet lak dan ruahmanna leh tih tur inkhai chhawng diat diat na nia a hriat thu sawiin chhiat a thlen palhin thui taka chet lak dan tur he thil hian a hril theiin, a tha thei ang berah hmachhawn dan inruahman lailawkna niin ka hria ani, a ti a. IRS a mawhphurna leh chanvo neiten kan tih tur leh kan mawhphurhna neia kan chian a ngai a ni, a ti bawk. He training hmanpuitu dang Kolasib SP Pu C. Lalzahngoa pawhin thusawiin chhiat a thlen palh a awmze nei zawka hma lak anih theih nan mitinin kan tangkaina lai tur mahnia kan in enthiam a tul a, chhanchhuahna hna thawkte dipdal lo zawnga kan khawsak leh kan chet a pawimawh a ni, a ti.

DM&R District Organiser Pu Lalnunfela hian IRS chungchang hi powerpoint presentation hmangin chipchiar takin a hrilhfiah a, chhiat a thlen palha mawhphurhna nei ten an tih tur leh chanvo te a tarlang bawk a ni.