1788/2024-2025

Kolasib Dated the 28th August, 2024: Vawiin khan Kolasib District Consultative Committee (DCC) leh District Level Review Committee (DLRC) chu an Chairman, Kolasib District Bawrhsap Pu Robert C. Lalhmangaiha hovin Kolasib DC Conference Hall-ah an ṭhukhawm.

Chairman Pu Robert C. Lalhmangaiha chuan member kalkhawmte lawmna thu sawiin, Bank aiawh kalkhawmte chu Kolasib District hmasawn nan Bank-te'n mawhphurhna lian tak an neih chu hria a, theih tawp chhuah zel turin a chah a.  Ei leh bar leh sum dehchhuah kawng a district hmasawnna tura thawhhona a pawimawh thu leh tanrual a tul zia a sawi a.  Kolasib District enkawlna kawngah an thlawpna a hmuh a beisei thu a sawi.

He ṭhutkhawm ahhian Lead Bank Office-a Lead District Manager (Kolasib & Mamit) Pu PC Lalnunpuia leh NABARD hnuaia District Development Manager (Kolasib & Mamit) Pu JD Traite te bakah, bank hrang hrang leh line department aiawhte an tel a ni.

Pu PC Lalnunpuia, Lead District Manager, Lead Bank chuan Agenda ngaihtuah turte a sawifiah a. Meeting ah hian Agenda 9 ngaihtuah tura chhawpchhuah a ni a. Financial Inclusion Plan siam an bawhzui dante ngaihthlak a ni a, mi 2000 aia tlem chenna khua 23 ah Business Correspondents dah  a nih thute leh khaw 6 ah IPPB BC dah a nih thute tarlan a ni.

He hunah hian financial inclusion plan hnuaiah Kolasib District chhunga mihring 2,000 aia tlem chenna khaw 29 te chu bank hrang hrangte'n chan insemin, bank kaltlanga hamṭhatna hrang hrang an chhawr ve theih nan hma lakna kalpui a nih thu tarlan a ni a. Vantlang mipuitena KCC leh Agriculture scheme an chhawr tangkai theihna tur in line department hrang hrang te nena thawhho dan tur sawiho a ni a. Bairabi leh Rastali (Zodin) ah business correspondents an neih theih nan hmalak dan tur sawiho a ni.

Financial Literacy Camp hi NABARD kaltlangin Finance Literacy Fund (FLC) hnuaia bank ten camp an nei thin a, a tam thei ang a camp nei chhunzawm zel turin bank te chah an ni a. Bank dang FIF Assistance la hmu lo te pawhin nachang hria a FLC a tam thei anga khaw hrang hrangah nei tura chah an ni bawk. 

Meeting a tarlan a nih danin 0(zero) balance a Bank account hawn PMJDY chu quarter tin a a tlem tawlh tawlh thute, 2023 June Quarters aiin kumin hian Kolasib District chhunga bank ten Deposit an dawn chu 1353.95 Crore a a pun thute, an DC Ratio chu 70.69% niin hei hi CD Ratio tura bituk aia san thute tarlan a ni a. Hetihlai hian  thla tina vawi hnih tal Financial Literacy campaign nei thin tura bituk a nih laiin Quarters khat chhunga nei miah lo an awm chu tan a ngaih thute sawi a ni bawk.

Loneitute tana Loan pekchhuah a awm mek laiin Link Department te nen Agriculture loan pekchhuah tur thlan kawngah thawhhona tha ngaihtuah a that thu sawi lan a ni a. Bank ten Education Loan an pek pawh tun aia tam zawk pe thei tura hmalak tha tih a ni bawk.