Vawiin khan Kolasib-ah National Disaster Management Autority Day hman a ni a, chawhma lama School naupang puala painting competition St. Johns HSS ah neih a ni a, hei hi DC Pi Niharika Rai, IAS chuan a hawng a ni.

Hawnna thu tawi sawiin Pi Rai chuan sorkar laipui ruahmanna a National Disaster Management Authority kum 2005 a din anih hnuah hma hrang hrang laa chhiatrupna chungchang leh chhawmdawlna te zirtirna neih a ni thin tih a sawi a. School naupangte chu an inelna tha taka ti turin duhsakna a hlan a ni. Painting competition ah hian school naupang 46 pawl 9 atanga pawl 12 zirlaite an tel a. Lawmman 1 na in tangka fai Rs. 1500/- dawngin pahnihna in Rs. 1000/- leh pathumna in Rs. 750/- te an dawng a ni. A tel zawng zawng hi participation prize pek vek an ni bawk.

Chawhnu lamah DC Conference hall ah Sensitization Session neih leh a ni a, hetah hian media tena chhiatrupna thlen thulha an hriat tur thil pawimawh tak takte sawi a ni a. DC chuan thusawi hmasa in Leilung pianken chhiatrupna laka invenna leh a thawm dan turte zirhona hun tha neih a ni chu a lawmthu sawiin mithiamte paper buatsaih chu uluk taka zirho ni se a duh thu a sawi a ni.

Pu V. Laldinsanga, SDC (E) Kolasib in inkhawm a kaihruai a, Pu K. Lalremsanga, MPS, Addl. SP leh Dr. John Lalliandinga, Medical Officer ten disaster management chungchangah zirtirna an pe a, sawihona hun tha tak hmang zuiin zawhna leh chhanna te pawh neih a ni a. Kolasib khaw chhunga media te an tel tha hle a ni.