Vawiin khan DCs Conference Hall, Mamit-ah Disaster Management Authority Day 2011 naktuk 28.9.2011 a hman dan tur rel a ni.

He meeting Pu A. Biaklawma, Addl. DC, Mamit kaihhruaiah hian State Level Committee in he ni hman dan tura ruahmanna a siamte ngaihthlak anih hnu in heting hian Day hman dan tur rel a ni. Mamit khawpui chhunga Middle School 8 atanga naupang thlan bikte tan Painting competition chhiatrupna lam hawi subject thlan bikah buatsaih nise, lawmman tha tawk siam nise, media kaltlangin mipuite zirtirna lam hawi Press Release chhuah nise, tih te leh Panel Discussion chu hun a bichilh deuh avangin remchang hmasa berah department thlan bikte tan buatsaih ni se, tih te rel a ni a. Hei bakah hian hemi ni chhun dar 12 ah DCs Conference hall-ah inkhawm buatsaih nise. Hetah hian Pu A. Biaklawma, Addl. DC Mamit chu hawnna thuchah sawi tura ruat niin, thuchah tawi sawi turin President Joint V/C, Addl. SP leh District Medical Superintendent te nise, painting competition lawmman sem nghal nise tih te rel a ni bawk.

He meeting-ah hian Heads of offices, chanchinbu mite leh tlawmngai pawl hruaitute an tel tha hle a ni.