Vawiin chawhnu dar 2 : 00 khan D.R.D.A.Department te chuan BRGF hnuaiah Saiha District chhunga Carpentry leh Black Smithy a eizawng mi 100 chuang hnenah Rs 12 Lakh chuang man bungrua a thlawn in an sem chhuak.

He hmanraw chi hrang hrang semchhuahna inkhawm tawi hi Pu AZ Beisia, APO, DRDA chuan a kaihruaia, District Bawrhsap Pu Kunal IAS chu khuallian niin Pu N.Chakhai, P.D., DRDA chu Khualzahawm ani. Thu sawiin khuallian Pu Kunal IAS chuan District chhunga thil siamtute chu an ngaih pawimawh thu sawiin Quality tha zawk a thil an siamchhuah theih nan hmanraw chi hrang hrang te chu sem anih thu a sawi a, hmanrua dawng tuten an hlawkpui ngei a beisei thu a sawi bawk. Project Director hmalakna zarah hmun hla tak tak atangin hmanrua te chu chah thlen an nih thu sawiin a dawngtute chu an vannei bik hle ani a ti a, hmarua an dawn te hmanga bungrua mawi tak tak an siam chhuah theih ngei a beisei thu a sawi bawk. Pu N.Chakhai, Project Director, DRDA pawhin thu sawiin hmanrua an leite chu hmun hrang hrang atanga an lei khawm anih thu leh hmanraw tha lei anih theih nan mi hrang hrang te an dawr kual thu a sawi a, hmanrua an dawn te chu a nihna taka hmang tangkai turin a dawngtute a chah a ni.