Vawiin chawhma dar 11 : 00 khan a vawikhatna atan High School naupangte tana buatsaih “District Level Role Play Competition” chu I&PR Conference Hall, Saiha-ah neih a ni.

He Role Play Competition ah hian Pu V.Lalhmingliana, D.E.O. Saiha District chu khuallian ani. Thu sawiin Khuallian chuan he Competition hi Central Programme anih thu a sawi a, mihring kan thanlen ang zelin kan tih theih a danglam zela, mihring nuna thil lo la thleng mai tur lemchan anih avangin hman tangkai dan kan thiam a pawimawh ani ati a, Adolescent period a cheng zirlaite tan nun uluk a pawimawh thu sawiin hmalam hun thlir ran a uluk taka nun hmang turin zirlaite chu a chah ani. Nun hmasawnna tur zirtir hi he Role Play hian a tum ber anih thu sawiin harsatna tawk tan engtinnge tanpuitu kan nih theih ang tih leh mihring hi kan mihring puite tan engtinnge tangkai zawka kan nun kan hman theih ang tih tarlan hi he Role Play hian a tum ber ani, a ti bawk. He Competition ah hian Government High School Saiha chu pakhatna niin Government Siaha High School te chu pahnihna an ni a, Competition neih zawh ah lawmman semna neih zui nghal a ni.