Vawiin chawhma dar 11:00 khan Taitesena Hall, Kolasib-ah District Level Handloom Fair chu Mizoram Apex Handloom & Handicraff Cooperative Society Ltd. (MAHCO) huaihawtin neih tan a ni a. 7th November, 2014 (Zirtawpni) thleng awh tur he handloom fair hi Pu Lalfela Sailo, Addl. DC chuan a hawng a ni.

Pu Lalfela Sailo chuan puantah chu handlom neitute tan mai bakah mi dang tam tak te tana eizawnna siamtu a nih thu a sawi a, “Puantah hi Mizo hnam ziarang humhalhna leh chawisan zelna atana hmanraw pawimawh ber zinga mi a ni” a ti. Puantahtute khaichhuak tura MAHCO a lo ding chu lawmawm a tih thu a sawi rualin, “Mizo mipuite hian sawrkar atanga tanpuina kan dawng thang lutuk a, tanpuina dawn loh avang leh a hun taka tanpuina dawng lova inhriat avanga vuivai kan ching hi inenfiah a tul hle a ni” Pu Lalfela Sailo chuan a ti bawk.

He District Level Handloom Fair-ah hian MAHCO hnuaia inziak lut society 23 bakah, mimal puantah pakhat ten dawr an hawng a. Fair buatsaihna senso hi Ministry of Textiles, Govt. of India chuan a rawn tumsak a ni.