Vawiin ni chawhma ah khan Aizawl Bawrhsap Committee Room ah AADHAR Card siamna atana information mumal tak hman tur atana Biometric Enrolment kalpui meka hnathawktute tan traning buatsaih leh a ni a.

Vawiin bika training hi Aizawl charge-9 leh Sairang khua a hnathawktu tur te tana buatsaih a ni. Biometrict Enrolment kalpui tur hian District 8 te hi charge hrang hrang ah thensawm vek a ni a. Deputy Commissioner-te hi an awmna District ah Registrar a ruat an ni. Aizawl District chu charge 20 ah then niin Biometrict enrolment hi December ni 20 ah peihfel hman tum a ni a. Enrolment buaipuitute chuan mipuite tawiawmna ngenin AADHAR Card pawimawhna leh mi harsa zawkte tana Sawrkar puihna khawngkhar hawnsaktu a nih tur thu an sawi a. AADHAR Card hi Prime Minister Pu Narendra Modi duhdan angin PMJDY scheme thar tanpuina dawng theite chuan an neih a ngaih dawn bakah ni 100 inhlawhna thawk theite thlan nan leh khawsak harsa zawkte tanpuina hrang hrang dawng thei te finfiah nan hman a nih tur thu traning ah hian tarlan a ni.