India Today Group chuan Mizoram chu hriselna lam Health Care ah State lianlo (Small States) te zinga ti tha berah a thlang a, ni 31 Oct 2014 khan New Delhiah Mizoram sorkar aiawhin Pi Sangchin Chinzah, Deputy Resident Commissionerin lawmman hi a dawng a ni.

India Today chuan Rashtriya Swasthya Bima Yojana (RSBY) kalpui tha ber a ni tiin, kum 2013 leh February thla 2014 inkar thleng khan chhungkaw 10,930 te hnenah Rs.56,927,126 a pechhuak tawh tih a tarlang a. Mi harsa, sorkar hnathawk lo ten dam lohna avanga inkawlna senso a thlawna RSBY hnuaia atanga tanpuina dawng tawh te chu chhungkua 146,779 an nih tawh thu an tarlang bawk a ni.

Hetianga state hrang hrang tena health care a a tih that dan tehfunga an hman te chu zawhna neuh neuh an siam chhanna atanga (questionaire) nilovin, data rintlak, objective data macro economy, governance, health, education, investment, agriculture, consumer market leh infrastructure te atanga siam an ni.

State te (small state) te hi an vaiin 10 an ni a. State ti tha te indawt dan chu Mizoram dawtah Goa, Nagaland, Delhi, Puducherry, Meghalaya, Arunachal Pradesh, Manipur, Tripura leh Sikkim te an ni